قائیمقامیەتی قەزای چۆمان ڕایدەگەیەنێت، ئەم جۆرە شیرە قەدەغەیە و جەختیشدەكاتەوە، بەپێی نوسراوی وەزارەتی تەندروستی ئەم جۆرە شیرە ساختە دەرچووە.
لیژنەی ئابووری قەزای چۆمان بڵاویكردۆتەوە، بەپێی نووسراوی وەزارەتی تەندروستی حکومەتی هەرێمی کوردستان شیری وشکی منداڵان لە جۆری (نیوتری هۆڵەند- nutri Holland) کە دوای پشکنین و بەدواداچوونی لایەنی پەیوەندیدار، ئەم جۆرە شیرە ساختە دەرچووە.
ڕاشیگەیاندووە، بە هەموو شێوەیەک مامەڵەکردن و فرۆشتنی ئەم شیرە وشکە ڕێگاپێدراو نییە و ئێمەش وەک لیژنەی ئابووری قەزای چۆمان ئاگاداری کۆگاکانی شیر و فرۆشگا و دەرمانخانەکان لە سنووری قەزای چۆمان و دەورووبەری دەکەینەوە، مامەڵەکردن و فرۆشتنی ئەم شیرە قەدەغەیە و لە هەر شوێنێک ببیندرێت، دەستی بەسەردا دەگیرێت”.
ئاماژەی بەوەشكردووە، هاووڵاتیان ئاگاداردەکەینەوە، کە ئەم جۆرە شیرە وشکە بۆ منداڵان بەکار نەهێنن و لەهەر شوێنێکیش بیبینن، پێویستە لیژنەی ئابووری قەزای چۆمان ئاگادار بکەنەوە، بۆ ئەوەی رێکاری خۆمان بگرینەبەر.
