ئاسایشی پارێزگای دهۆك، دەستی بەسەر سەدان جۆر دەرمانی قاچاخ و نایاساییدا گرت و چەند كەسێكیشی بەتۆمەتی ساغكردنەوەی دەرمانەكان دەستگیركرد.
بەڕێوەبەرایەتیی ئاسایشی پارێزگای دهۆك لە ڕاگەیەنراوێكدا ئاماژەی بەوەكردووە، لە یەكێك لە كۆگای دەرمانخانەكانی شاری دهۆك سەدان جۆر دەرمانی قاچاخ و نایاساییان گرتووە، كە بۆ فرۆشتن و ساغكردنەوە بەسەر نەخۆش و هاووڵاتیان ئامادەكرابوون.
ڕاشیگەیاندووە، دوای دەستبەسەرداگرتنی دەرمانەكان، چەند كەسێكیش دەستگیركراون و پەڕاوی لێكۆڵینەوەیان بۆ كراوەتەوە.
