![](https://xelk.org/wp-content/uploads/2024/03/awincity2.png)
وەزارەتی ناوخۆی عێراق دەستی بەسەر دوو ملیۆن و 500 هەزار حەبی کپتاگۆندا گرت کە یەکێکە لە ماددە هۆشبەرەکان.
ئەمڕۆ سێشەممە، بەڕێوەبەرایەتی بەرەنگاربوونەوەی ماددەی هۆشبەر سەر بە وەزارەتی ناوخۆی عێراق ڕایگەیاند، لە ئاکامی ئۆپەراسیۆنێکی هەواڵگریدا دەستیان بەسەر دوو ملیۆن و نیو، حەبی هۆشبەری کپتاگۆندا گرت.
ڕوونیشیکردەوە ئۆپەراسیۆنەکە بە سەرپەرشتی بەڕێوەبەری گشتی کاروباری ماددە هۆشبەرەکان و لە هەردوو پارێزگای نەجەف و ئەنبار ئەنجام دراوە.
هەرێمی کوردستان و عێراق بوونەتە ڕێگەی گواستنەوەی ئەو ماددە هۆشبەرانەی لە ئاسیاوە بەرەو ئەوروپا دەبرێن و بەردەوام هێزە ئەمنییەکان هەواڵی دەستگیرکردنی بازرگان و دەستگرتن بەسەر ماددە هۆشبەرەکان بڵاودەکەنەوە.