سەرۆکی ڕەوتی نیشتمانیی شیعە داوای دەرکردنی باڵیۆزی ئەمریکا دەکات لە بەغدا، بەڵام “بە بێ خوێنڕشتن”.
ئەمڕۆ سێشەممە، موقتەدا سەدر، سەرۆکی ڕەوتی نیشتمانیی شیعە پەیامێکی لە تۆڕی ئێکس بڵاوکردەوە و تێیدا داوایکرد لە بەرامبەر پشتیوانی ئەمریکا بۆ ئیسرائیل، باڵیۆزی ویلایەتە یەکگرتووەکان لە بەغدا دەربکرێت.
سەدر داواشیکرد کە لە ڕێگەی دیپلۆماسی و دوور لە خوێنڕشتن، باڵیۆزخانەی ئەمریکا دابخرێت و بۆ ئەوەی بیانوو نەدرێت بەدەستیانەوە سەقامگیریی عێراق تێکبدەن.
موقتەدا سەدر داواشی لە کۆنگرەی هاریکاریی ئیسلامی و کۆمکاری عەرەبی کرد ڕۆڵێکی کارا بگێڕن بۆ کۆتاییهێنان بە هێرشەکانی ئیسرائیل بۆ سەر کەرتی غەززە و وتیشی: “بێدەنگی بەسە”.
