لەنزیک دەروازەی سنووری ڕەفەح باشووری کەرتی غەززەی داگیرکراو، پێکدادان لەنێوان سەربازانی ئیسرائیل و میسر ڕوویدا.
سوپای ئیسرائیل لە ڕاگەیەندراوێکدا پشتڕاستی کردووەتەوە کە لە نێوان سوپای ئیسرائیل و سەربازانی میسری، لە نزیک دەروازەی سنووری ڕەفەح پێکدادان ڕووی داوە.
لە ڕاگەیەندراوەکەدا جەخت لە لێکۆڵینەوە لە ڕووداوەکە و دیالۆگ لەگەڵ لایەنی میسری کراوەتەوە.
لەم بارەیەوە میدیای میسری بڵاوی کردووەتەوە کە بە هۆی پێکدادانەکەوە سەربازێکی میسری کوژراوە.
لەبارەی پێکدادانەکەوە، لانی میسری هیچ وردەکارییەکی بڵاو نەکردووەتەوە.
