بەهای دۆلار بەرامبەر بە دینار بەردەوامە لە دابەزین و لە دوێنێوە نزیكەی هەزار دینار دابەزیوە.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، نرخی دۆلار بەردەوامە لە دابەزین و ئەمڕۆ نرخی 100 دۆلار دابەزیوە بۆ 144 هەزار و 750 دینار.
ڕاشیگەیاند، دوێنێ بەهاكەی لە 145 هەزار و 600 دینارەوە دابەزی بۆ 145 هەزار و 250 دینار و ئەمڕۆش زیاتر دابەزی.
ئەمە لەكاتێكدایە، كە ڕێكارەكانی بانكی ناوەندی بۆ دابەزینی دۆلار بەردەوامە و ڕۆژانە نزیكەی 280 ملیۆن دۆلار دەخاتە بازاڕەوە و لە نوێترین بڕیاریشدا هەر حاجییەك بڕی 3 هەزار دۆلاری بە نرخی فەرمی 132 هەزار دینار پێدەدات.
