![](https://xelk.org/wp-content/uploads/2024/03/awincity2.png)
ئیلۆن ماسک، گەورە ملیاردێری ئەمریکی، دەڵێت؛ واتسەپ بەردەوام زانیارییەکان دەبات و هەموو شەوێک ئەم کارە لەگەڵ بەکارهێنەرانی دەکات.
ملیاردێرە ئەمریکییەکە، هێرشی کردە سەر “واتسئەپ” و تۆمەتباری کرد بە دزینی زانیاری بەکارهێنەران.
ئیلۆن ماسک لە هەژماری فەرمی خۆی لە پلاتفۆرمی “X” نووسیویەتی: “واتسئەپ هەموو شەوێک داتای بەکارهێنەران هەناردەی هەندێک لایەن دەکات، بەڵام هەندێک کەس هێشتا پێیان وایە ئەم پلاتفۆرمە سەلامەتە.”
ماسک، دەڵێت؛ واتسئەپ مایکرۆفۆنەکانی مۆبایلی بەکارهێنەران دەکاتەوە و زانیاری کۆدەکاتەوە بە مەرامی بەکارهێنانی بۆ مەبەستی بازرگانی و ڕیکلام.
لە کاتێکدا ماسک ئاماژە بە نەبوونی متمانە دەکات، زیاتر لە ٢ ملیار کەس لە سەرانسەری جیهاندا واتسەپ بەکاریدەهێنن.