بانكی ڕەشیدی عێراقی ڕایدەگەیەنێت، دەست دەكەن بە پێدانی قەرز بە هاووڵاتیان و دەرچووانی زانكۆ و پەیمانگاكان و بڕەكەشی لە 20 ملیۆن دینارەوە دەستپێدەكات.
بانکی ڕەشید لە بەیاننامەیەكدا ئاماژەی بەوەكردووە، بەشی چوارەمی پێدانی قەرز دەستپێدەکەن، کە هەریەک لە گەنجان، دەرچووان و ئەوانە دەگرێتەوە بەدوای کاردا دەگەڕێن.
ڕاشیگەیاندووە، ئەو کەسانەی دەیانەوێت قەرز لە بانکەکە بکەن لەڕێگای بانکەکەوە داواکاری پێشکەش دەکەن و لەماوەیەکی کورتدا پارەکەیان پێدەدرێت.
ئاشكراشی كردووە، بڕی قەرزەکە لە 20 ملیۆن دینارەوە دەستپێدەکات و پێشکەشکردنی داواکاری بۆ قەرز لە بانکەکە تەنها لەرێگای بانکی ڕەشیدەوە دەبێت و پێویستی بە هیچ ناوەندێک نییە.
