بەڕێوەبەرایەتىی گشتیی كشتوكاڵی هەولێر چەند رێنماییەکی بۆ جووتیاران بڵاوکردووەتەوە لە کاتی دروێنەکردن و دەڵێت: پێویستە ئامێری ئاگر کوژێنەوە CO2 (٦کغم)لە ناو دەراسەکاندا هەبێت و نابێت بە هیچ شێوەیەک کرداری لەحیم کردن لە ناو کێلگەی گەنم و جۆ ئەنجام بدرێت.
بەڕێوەبەرایەتییەکە لە راگەیەندراوێکدا دەڵێت:لە پێناو بەرژەوەندی گشتی و خۆپاراستن لە کارەساتی نەخوازراو، بەر لە پرۆسەی دروێنە کردن، پێویستە جووتیاران رەچاوی ئەم رێنماییانە بکەن:-
١- پێویستە ئامێری ئاگر کوژێنەوە CO2 (٦کغم)لە ناو دەراسەکاندا هەبێت.
٢- نابێت بە هیچ شێوەیەک کرداری لەحیم کردن لە ناو کێلگەی گەنم و جۆ ئەنجام بدرێت.
٣- وشیاربوونی شوفێری دەراسە لە کاتی بوونی هێڵی کارەبا لەناو کێڵگە.
٤- چاککردنی رێگای نێوان توخوبەکان و رێگای چوون بۆ سەر زەوییەکان بۆ ئاسان گەیشتنی تیمەکانی بەرگری شارستانی.
٥- پێویستە هەر دەراسەیەک بە بەردەوامی تانکەرێک ئاوی بە پڕی لەگەڵدا بێت لە کاتی ئیش کردندا و ترومپای ئاوی لەسەر بێت، بۆ ئەوەی لە کاتی روودانی هەر ئاگرێک بتوانن بە زووترین کات هەوڵی کونترۆل کردنی بدەن.
٦- شوفێری دەراسەکان خۆیان بە دووربگرن لە جگەرە کێشان ئەگەر کێشای نابێت فڕێی بداتە ناو کێلگەکان.
٧- هەبوونی ژمارەی تەلەفۆنی بنکەکانی بەرگری شارستانی و تەلەفۆنە پێویستەکانی تر.
تەلەفۆنی بەرگری شارستانی : (١١٥) و (١٢٥)
تەلەفۆنی فریاگوزاری (اسعاف )ی سنوورەکە: (١٢٢)
