نوێنەری گشتی مامۆستایانی وانەبێژ رایگەیاند، سبەی چوارشەممە مووچەی مامۆستایانی وانەبێژ لە پەروەردەی سلێمانی و هەڵەبجە دابەشدەکرێت و هەفتەی داهاتووش لە پەروەردەکانی پارێزگاکانی هەولێر و دهۆک دابەشدەکرێت.
کاروخ عەبدوڵڵا، نوێنەری گشتیی مامۆستایانی وانەبێژ رایگەیاند، سبەینێ چوارشەممە ٢٢-٥-٢٠٢٤،مووچەی مامۆستایانی وانەبێژ بۆ مانگی شوبات لە پەروەردەکانی سنووری پارێزگاکانی سلێمانی و هەڵەبجە و ئیدارە سەربەخۆکانی راپەڕین و گەرمیان دابەشدەکرێت و سەرەتای هەفتەی داهاتووش مووچەی مامۆستایانی وانەبێژ لە پەروەردەکانی هەولێر و دهۆک دابەشدەکرێت.
لە هەرێمی کوردستان زیاتر لە ٣٢ هەزار مامۆستای وانەبێژ هەیە ئەو مامۆستا وانەبێژانەی هەڵگری بڕوانامەی دیبلۆمن، مووچەیان ٣٥٠ هەزار دینارە و ئەوانەی بڕوانامەی بەکالۆریۆسیشیان هەیە مووچەکەیان ٤٠٠ هەزار دینارە. .
