بە بەشداریی سەدان کەس لە موریدانی تەریقەتی قادری کەسنەزانی یادی مەولود کرایەوە.
بە بەشداریی سەدان کەس لە موریدانی تەریقەتی قادری کەسنەزانی و لە نێو تەکیەی سەرەکی تەریقەتەکە لە گەڕەکی بەکرەجۆی شاری سلێمانی یادی لەدایکبوونی پێغەمبەری ئیسلام محه‌مه‌د (د.خ) کرایەوە.
یاده‌كه به به‌شداریی رێبه‌ری ته‌ریقه‌تی قادری كه‌سنه‌زانی، شێخ نه‌هرۆ محەمەد کەسنەزانی و ژماره‌یه‌كی زۆر له ده‌روێشان و موریدانی تەریقەتەکە کە لە شارەکانی هەرێمی کوردستان، ناوەڕاست و باشووری عێراق هاتبوون، کرایەوە.
ڕێوڕەسمەکە بە خوێندنی نوێژی بە کۆمەڵ و گوتنەوەی چەند زیکرێکدا و هاوکات ژەنینی دەف بەڕێوەچوو.
تەریقەتی کەسنەزانی یەکێکە لە تەریقەتەکانی سۆفیگەری و لقێکە لە تەریقەتی قادری کە لە هەرێم و سەرانسەری جیهان بە سەدان موریدی هەیە.
