بەڕێوەبەرایەتی ھاتووچۆی سلێمانی ڕوونكردنەوەیەك سەبارەت بە سزادانی عەمید ئاسۆ، بەڕێوەبەری بەەڕێوەبەرایەتییەكە بڵاودەكاتەوە و ڕایدەگەیەنێت، سزاكە پەیوەندی بە بەدەستهێنانی بڕوانامەی ماستەرە بەبێ ڕەزامەندی و مۆڵەتی خوێندن.
بەڕێوەبەرایەتی هاتووچۆی سلێمانی لە ڕوونكردنەوەكەیدا ئاماژەی بەوەكردووە، بەپێی بڕیاری دادگای ھێزەکانی ئاسایشی ناوخۆ/٢ عەمید ئاسۆ محمد امین، بەڕێوەبەری ھاتووچۆی سلێمانی بەوەکالەت سزادرا بەبەند کردن بۆ ماوەی یەک مانگ.
جەختیشدەكاتەوە، ئەم سزای حوکمە پەیوەندی بەپۆست و کارکردنی لە بەڕێوەبەرایەتی نییە، بەڵكو بەھۆی خوێندن و بەدەستھێنانی بڕوانامەی ماستەر لەناو ھەرێمی کوردستان بێ وەرگرتنی ڕەزامەندی و مۆڵەتی خوێندنە.
ڕوونکردنەوەیەک لە بەڕێوەبەرایەتی ھاتووچۆی سلێمانی:
سەبارەت بە ھەواڵی بەندکردنی بەرێوەبەری ھاتووچۆی سلێمانی عەمید (ئاسۆ محمد امین ) کە لەزۆرێک لە دەزگاکانی راگەیاندن بڵاوکراوەتەوە ، راست ودروستی ھەواڵەکە بەم شێوەیەیە
لەرێکەوتی ئەمرۆ ٠۷/٠٥/۲٠۲٤ بەپێی بڕیاری دادگای ھێزەکانی ئاسایشی ناوخۆ /٢ عەمید ئاسۆ محمد امین ، بەرێوەبەری ھاتوچۆی سلێمانی بەوەکالەت سزادرا بەبەند کردن بۆ ماوەی یەک مانگ، ئەویش بەھۆی خوێندن و بەدەستھێنانی بڕوانامەی ماستەر لەناو ھەرێمی کوردستان بێ وەرگرتنی ڕەزامەندی و مۆڵەتی خوێندن کەئەمەش پێچەوانەی ڕێنماییەکانی پەیوەست بەخوێندنە، ئەم سزای حوکمە پەیوەندی بەپۆست وکارکردنی لەبەرێوەبەرایەتی ھاتوچۆی سلێمانییەوە نیە .
بەڕێوەبەرایەتی هاتووچۆی سلێمانی
