وتەبێژی وەزارەتی گواستنەوە و گەیاندن هۆشداری دەدات و دەڵێت:”ئەمشەو لەدوای كاژمێر ١:٠٠ی شەو تا ٩:٠٠ی بەیانی پێشبینی باران بارینی بەلێزمە دەكرێت لە سەنتەری شارەكان”.
دیلان رەشاد، وتەبێژی وەزارەتی گواستنەوە و گەیاندن بڵاویکردووەتەوە، ئەمشەو لەدوای كاژمێر ١:٠٠ی شەو تا ٩:٠٠ی بەیانی پێشبینی باران بارینی بەلێزمە دەكرێت لە سەنتەری شارەكان و زیاتر دەشتی هەولێر و كۆیە و ئیدارەی گەرمیان و ڕاپەرین و دۆكان و بەشێك لە پارێزگای دهۆك و سلێمانی.
ماوەی دوو رۆژە شەپۆلێکی بارانبارین ناوچەکانی هەرێمی کوردستانی گرتووەتەوە و لە هەولێر و دهۆک و کەرکوکیش لافاو دروستبووە و ئەمڕۆش چوار شاخەوان لە قەرەداغ بەهۆی دروستبوونی لافاوەوە گیانیان لەدەستدا.
