لەسەر سکاڵای هاووڵاتییەک و لە لایەن نوسینگەی دزینی ئۆتۆمبێلی نەهێشتنی تاوانی سلێمانییەوە تۆمەتبارێک دەستگیرکرا و دەستبەسەر ئۆتۆمبێلێکدا گیرا.
بەرێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، دوای ئەوەی هاووڵاتییەک سکاڵای تۆمارکرد، کە ئۆتۆمبێلەکەی دزراوە، هێزەکانی پۆلیس لێکۆڵینەوە و بەدواداچوونەکانیان دەستپێکرد و دوای وەرگرتنی بڕیاری دادوەر توانرا لەلایەن نووسینگەی دزینی ئۆتۆمبێلی نەهێشتنی تاوانی سلێمانییەوە تۆمەتبار بدۆزرێتەوە و دەستبەسەر ئۆتۆمبێلە دزراوەکەشدا بگیرێت.
ڕاشیگەیاندووە، لەئێستادا تۆمەتبار ( ح ، أ، ق لەدایکبووی ١٩٧٦ ) بە بڕیاری دادوەر و بەپێی ماددەی ٤٤٦ لەیاسای سزادانی عیراقی ڕاگیراوە.
جەختیشی كردۆتەوە، دوای تەواوکردنی ڕێکارە یاساییەکان ئۆتۆمبێلەکە ڕادەستی خاوەنەکەی دەکرێتەوە.
