بەهۆی لێچونی غاز لە بوتڵی کلۆر لە پڕۆژەی ئاوی خاس لە قەڵادزێ، پۆلیسێک گیانی لەدەستدا و یەکێکی دیکەش برینداربوو.
بەڕێوەبەرایەتی پۆلیسی راپەڕین لە ڕاگەیەنراوێكدا ئاماژەی بەوەكردووە، بەرەبەیانی ئەمڕۆ کارمەندێکی پۆلیس بەهۆی لێچوونی تانکی کلۆر لە پڕۆژەی ئاوی خاس گیانی لەدەستداوە و تەرمەکەی ڕەوانەی پزیشکی دادی سلێمانی کراوە.
ڕوونیشی كردۆتەوە، ئەو پۆلیسەی گیانی لەدەستداوە، لەدایکبوی ساڵی (1971)ە و خەڵکی گوندی بێگڵاسە.
ئاماژەی بەوەشكردووە، هەربەهۆی لێچونی تانکی کلۆر لە هەمان پڕۆژە کارمەندێکی دیکەش باری تەندروستی تێکچووە و بەهۆی تەنگە نەفەسییەوە ڕەوانەی نەخۆشخانەی قەڵادزێ کراوە.
بەڕێوەبەرایەتی پۆلیسی ڕاپەڕین ڕوونیشی كردۆتەوە، ئەو کارمەندانەی پۆلیس ئەرکیان پاراستنی پڕۆژەی ئاوی خواردنەوەی خاسە لە قەڵادزێ.
