لیستی مامۆستایانی وانەبێژ نەنێردراوە بۆ بەغدا و مامۆستایانی وانەبێژ نیگەرانن.
عەلی ڕەووف نوێنەری مامۆستایانی وانەبێژ لە کۆنگرەیەکی ڕۆژنامەنووسیدا ڕایگەیاند، سەردانی وەزیری دارایی عێراقمان کرد و پێی ڕاگەیاندین لەلایەن هەرێمەوە هیچ جۆرە لیستێک تایبەت بە ناوی وانەبێژان بۆ ئێمە نەهاتووە.
دەشڵێت،” داوا لە حکومەتی هەرێم و وەزارەتی پەروەردە دەکەین ڕوونکردنەوەی تەواومان بدەنێ دەربارەی نەناردنی لیستی ناوی وانەبێژان بۆ بەغدا”.
هاوکات ڕاشیگەیاند، حکومەتی عێراق پێی ڕاگەیاندین هەرکات حکومەتی هەرێم ناوی وانەبێژان بنێردرێت ئێمە ڕێکارەکانی دابینکردنی پارە دەگرینەبەر، چ بە گرێبەست بێت یان بە هەمیشەیی.
نوێنەری مامۆستایانی ناڕازی هۆشذداریشیدا، لەئەگەری نەناردنی ناوی مامۆستایانی وانەبێژ بۆ بەغدا هەڵوێستی ترمان دەبێت، و ئامادەین بچینەوە بەردەم ئەنجوومەنی وەزیران و خۆپیشاندانی سەرتاسەری دەکەین.
بۆ دامەزراندنی مامۆستایانی وانەبێژ کە ژمارەیان 37 هەزار مامۆستایە لەسەرجەم پەروەردەکانی هەرێمی کوردستان ، بڕی نزیکەی 15 ملیار و 700 ملیۆن دینار مانگانە پێویستە ، بە وتەی عەلی ڕەووف” بۆ بوونیان بە هەمیشەیی تەنها پێویستیان بە “17 ملیار و 700 ملیۆن دینارە”.
