نرخی کیلۆیەک مریشک بەردەوامە لە دابەزین و هەر كیلۆیەكی نزیك بۆتەوە لە دوو هەزار دینار، لەكاتێكدا لە مانگی ڕابردوودا نرخەكەی گەیشتبووە 4 هەزار دینار.
ئەمڕۆ چوار شەممە، نرخی یەک کیلۆ مریشک بۆ ۲ هەزار و 300 دینار دابەزی، ئەم نرخە لە کاتێکدایە، لە ماوەی ڕابردوو چووە نزیكەی ٤ هەزار دینار و لە هەفتەی ڕابردووشدا بۆ 3 هەزار هەزار دینار دابەزیبوو.
محەمەدی مریشك فرۆش لە سلێمانی بۆ (خەڵك) ڕایگەیاند، لەدوای جەژنی ڕەمەزانەوە نرخی مریشك ڕووی لە دابەزین كردووە و ئەمڕۆش زیاتر دابەزی و نرخی یەك كیلۆ مریشكی زیندوو بە 2 هەزار و 300 دینارە.
ڕاشیگەیاند، هۆكاری دابەزینی نرخی مریشك دەگەڕێتەوە بۆ زۆربوونی بەرهەمی كێڵگە پەلەوەرییەكان و خستنەبازاڕی مریشك، كە ئەمەش وای كردووە بڕی بەرهەم بەراورد بە خواستی هاووڵاتیان زیاتر بێت.
