پۆلیسی دارستان و ژینگەی پارێزگای سلێمانی بڵاویکردەوە، لەسەر پیسبوونی ژینگە و خاک خاوەن کارگەیەک لە ناحیەی عەربەت دەستگیرکرا و ڕووبەڕووی ڕێکارە یاساییەکان دەکرێتەوە.
بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەندراوێکدا بڵاویکردەوە، کارگەیەک لە سنووری عەربەت هەستاوە بە فڕێدانی پاشماوەی کارگەکەی لەو سنوورە کە ئەمەش دەبێتە هۆی پیسبوونی ژینگە و خاک .
ئاماژەی بەوەکرد، دوای بەدواچوون لەلایەن مەفرەزەکانی بنکەی پۆلیسی دارستان و ژینگەی عەربەت و لیژنەی (فەرمانگەی ژینگەی سلێمانی) توانرا کارگەی سەرپێچیکار بدۆزرێتەوە، لەسەر بڕیاری دادوەر خاوەنی کارگەکە دەستگیرکرا و دەست بەسەر ئەو تراکتۆرەشدا گیرا کە پاشماوەکەی پێ گوازراوەتەوە.
