بڕیاری بەرزکردنەوەی نرخی بەنزین لە عێراق چووە بواری جێبەجێکردن، وێڕای ناڕەزایەتی شەقامی عێراق و لیژنەی وزەی پەرلەمان.
ئەمڕۆ چوارشەممە، لە یەکەم ڕۆژی مانگی ئایار-ەوە، بریاری گرانکردنی نرخی بەنزینی موحەسەن بۆ ٨٥٠ دینار و سوپەر بۆ ١٢٥٠ دینار جێبەجێکرا، بەڵام نرخی بەنزینی نۆرمال بە ٤٥٠ دینار و گاز بە ٢٠٠ دینار وەک خۆی دەمێنێتەوە و گۆڕانی بەسەردا نایەت.
ئەمەش لە کاتێکدایە، ئەنجومەنی وەزیران ڕۆژی سێشەممە ٢٦ی ئازار، بڕیاریدا نرخی سووتەمەنی ئۆتۆمبێل کە بەنزینی موحەسەن ڕێژەی ٣٠%، و بەنزینی سوپەر بە ڕێژەی ٢٥% بەرزبکاتەوە.
ئەم بڕیارەی ئەنجومەنی وەزیران ناڕەزایەتی شەقامی عێراقی لێکەوتەوە بە تایبەتی لەلایەن شۆفێرانەوە، خەڵکی پێیان وایە کە گرانکردنی نرخی بەنزین بارگرانی بۆ بژێوی ژیانی هاووڵاتییان دروست دەکات.
