لێزمە باران و هەورە تریشقە هەرێمی کوردستان دەگرێتەوە

کەشناسی پێشبینی دەکات لە ماوەی دوو ڕۆژدا گەرما 7 پلە نزمبێتەوە و لێزمە باران و هەورە تریشقەش هەرێمی کوردستان دەگرێتەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، لە دوای نیوەڕۆی ئەمڕۆ چوارشەممەوە، باران بە شێوەى پچڕ پچڕ دەبارێت وهەندێک کاتیش دەبێتە لیزمە و هەورە تریشقەشى لەگەڵدا دەبێت.

ڕوونیشیکردەوە کە سبەینێ پێنجشەممە، نمە بارانی پچڕ پچڕ دەبارێت، بەڵام لە کاتەکانی شەودا دەبێت بە لێزمەباران و هەورە تریشقەشى لەگەڵدا دەبێت.

کەشناسی پێشبینیشی کرد ئەمڕۆ گەرما 2-5 و سبەینێش 1-2 پلە نزم بێتەوە.

بەرزترین پلەکانی گەرمای پێشبینیکراو بە پلەی سیلیزی

هەولێر : 26

سلێمانی: 24

دهۆک: 25

زاخۆ: 25

هەڵەبجە: 25

کەرکووک: 26

سۆران : 23

حاجی ئۆمەران : 17

گەرمیان : 27