پێشبینی دەکرێت شەپۆلێکی بارانبارین باکووری کوردستان و تورکیا بگرێتەوە و کەشناسیش لە 28 شار هۆشداری لافاو دەدات.
بەڕێوەبەرایەتی گشتی کەشناسی تورکیا ڕایگەیاند، ئەمڕۆ چوارشەممە، لێزمەباران لە سەرتاسەری تورکیا دەبارێت و 28 شاری باکووری کوردستان و تورکیاشی بە ڕەنگی زەرد پۆلێنکردووە کە بە هۆی لێزمەبارانەکەوە مەترسی لافاویان لەسەرە.
ڕوونیشیکردەوە کە تاوەبارانی بەهێز و پچڕپچڕ زۆربەی ناوچەکان دەگرێتەوە و هەورە بروسکەشی لەگەڵدا دەبێت.
دیلۆک، مەڕەش، ڕحا، سێواس و کیلیس لە نێو ئەو شارانەی باکووری کوردستاندان کە پێشبینی دەکرێت شەپۆلەکە بیانگرێتەوە و لە نێو شارەکانی تورکیاشدا ئەنقەرەی پایتەخت و ئەدەنە، بۆلو و کۆنیا هەن.
