هۆشدارییەک لە کەشناسییەوە بۆ هاووڵاتییان لەبارەی دروستبوونی لافاو

کەشناسیى هەرێمى کوردستان رایگەیاند، لە تەواوى هەرێمى کوردستان بارانێکى زۆر دەبارێت و ئەگەرى روودانى لافاو هەیە.

لە راگەیەندراوێکدا کەشناسی هەرێمی کوردستان بڵاویکردووەتەوە و دەڵێت:” ئەمشەو و ڕۆژانی چوارشەممە و پێنجشەممە و هەینی، لە تەواوی هەرێمی کوردستان بارانێکی زۆر دەبارێت”.

دەشڵێت، لەم ڕووەوە هۆشداری دەدەین بە هاووڵاتییان لە ئەگەری ڕوودانی لافاو، ئەم ڕێنماییانە پەیڕەو بکەن:
1- سویچی کارەبای ماڵ بکوژێننەوە.
2- لەو شوێنانە مەوەستن کە مەترسیی هەبوونی کارەبای لێ دەکرێت.
3- بڕۆنە بەرزترین شوێنی ماڵەکانتان.
4- شۆفێری مەکەن.
5- لە ناوچە نزمەکان دوور بکەونەوە.
6- زۆر پێویست نەبێ، ڕێگە گشتییەکان بەکار مەهێنن.
7- لەو ناوچانە دوور بن کە مەترسیی هەورەبروسکەیان تێدایە.