مانگی ڕابردوو عێراق بە بەهای زیاتر لە ملیارێک دۆلار کاڵای لە تورکیاوە هاوردە کردووە و لە پلەی چوارەمی وڵاتانی هاوردەکاری تورکیادایە.
ئەمڕۆ سێشەممە، دەستەی ئاماری تورکیا ڕاپۆرتی تایبەت بە مانگی ئازاری ئەمساڵ بڵاوکردەوە و تێیدا هاتووە کە بە بەهای 22 ملیار و 571 ملیۆن دۆلار کاڵایان هەناردە کردووە.
ڕوونیشێکردەوە بە بەراورد بە هەمان مانگی ساڵی 2023، هەناردەکردن بە ڕێژەی 4.1٪ کەمیکردووە و ئەوکات بە بەهای 29 ملیار و 912 ملیۆن دۆلار کاڵایان هەناردە کردبوو.
بە پێی ڕاپۆرتەکە عێراق بە ملیارێک و 189 ملیۆن دۆلار، لە پلەی چوارمی ئەو وڵاتانەیە کە زۆرترین کاڵایان بۆ هەناردە کراوە.
ئەڵمانیا بە ملیارێک و 749 ملیۆن دۆلار لە پلەی یەکەم و دوای ئەویش ئیتاڵیا و ئەمریکا لە پلەی دووەم و سێیەمدا دێن.
