وتەبێژی تەندروستی سلێمانی ڕایدەگەیەنێت، كەسێك بە گومانی تووشبوونی بە نەخۆشی تای خوێنبەربوون لە سلێمانی خراوەتە ژێر چاودێری پزیشكی و پشكنینەكانی ڕەوانەی بەغدا كراوە.
سامان شێخ لەتیف، وتەبێژی تەندروستی سلێمانی بۆ (خەڵك) ڕایگەیاند، هاووڵاتییەكی دانیشتووی کەرکوک لە نەخۆشخانە لەژێر چاودێری پزیشكیدایە و جیاكراوەتەوە بە گومانی تووشبوونی تای خوێنبەربوون.
ڕاشیگەیاند، ئەو هاووڵاتییە تەمەنی 23 ساڵە و چەند نیشانەیەکی نەخۆشییەکەی تێدایە.
جەختیشی كردەوە، پشکنینەکەی ڕەوانەی بەغدا کراوە و چاوەڕوانی گەڕانەوەی ئەنجامەکەی دەكەین.
