لەسەر ڕێگای کەلار- ناحیەی باوەنور نزیک گوندی چاڵەڕەش ئۆتۆمبێلێک وەرگەڕا و بەهۆیەوە 7 کەس برینداربوون.
بەڕێوەبەرایەتی هاتووچۆی گەرمیان بڵاویكردەوە، ئەمڕۆ یەک شەممە، لەسەر ڕێگای کەلار- ناحیەی باوەنور ئۆتۆمبێلێکی جۆری (کیا سۆرینتۆ) بەئاراستەی کەلار هاتووە لەنزیک گوندی (چاڵە ڕەش) کۆنترۆڵی لەدەستداوە و وەرگەڕا.
ڕاشیگەیاندووە، بەهۆی ڕووداوەكەوە شۆفێری ئۆتۆمبیلەکە و 6 كەس لە سەرنشینەکانی بریندار بوون.
ئاماژەی بەوەشكردووە، بریندارەکان ڕەوانەی نەخۆشخانەی فریاکەوتنی شەهید هەژار کران، لەلایەن تیمی هاتووچۆوە لێکۆڵینەوە لە ڕووداوەکە دەستی پێکردوە.
