هەردوو سەركردەی باڵای شیعەكانی عێراق و خاوەنی زۆرترین كورسی پەرلەمانی جەخت لە ناردنی مووچەی فەرمانبەرانی هەرێم دەكەنەوە و عامری دەڵێت: دەبێت بڕیاری دادگای فیدراڵى بۆ دابینکردنی مووچە جێبەجێبکرێت.
نوری مالكی، سەرۆكی هاوپەیمانی دەوڵەتی یاسا و سەركردەی باڵای ناو هاوپەیمانی ئیدارەی دەوڵەت، كە حكومەتی عێراقیان پێكهێناوە لە كۆنگرەیەكی ڕۆژنامەوانیدا ڕایگەیاند، لە دەسەڵاتی سەرۆکایەتیی هەرێمی کوردستاندایە چ وادەیەک بۆ هەڵبژاردن دیاریدەکات و لە كۆبوونەوەی هاوپەیمانی ئیدارەی دەوڵەت-دا، نێچیرڤان بارزانی، سەرۆكی هەرێمی كوردستان چەند پێشنیازێکی بۆ چارەسەری کێشە هەڵپەسێردراوەکان هەبووە.
لەبارەی مووچەی فەرمانبەرانی هەرێمی کوردستان، نوری مالکی ڕایگەیاند، پێدانی مووچە بەردەوام دەبێت و وتیشی، “پێویستە کێشەکان بەگوێرەی دەستوور چارەسەر بکەین و هەوڵدەدەین چارەسەر بۆ کێشەکان بدۆزینەوە و گەشبینم”.
لای خۆشیەوە، هادی عامری، سەرۆكی هاوپەیمانی فەتح و سەركردەی ناو هاوپەیمانی ئیدارەی دەوڵت بۆ میدیاكان وتی، “دەبێت بڕیاری دادگای فیدراڵ بۆ دابینکردنی مووچەی فەرمانبەرانی هەرێمی کوردستان جێبەجێبکرێت”.
وتیشی، “پێداگرین لهسهر بههێزكردنی پهیوهندیهكان لهگهڵ ههرێمی كوردستان و فهرمانبهرانی ههرێمی كوردستان شایهنی ئهوهن هاوشێوهی عێراق مووچه وهربگرن”.
سەبارەت بە پرسی هەڵبژاردن ئاماەی بەوەكرد، هەڵبژاردنی پەرلەمانی کوردستان پرسێکی ناوخۆییە و بڕیار لەسەر دواخستنی لای سەرۆکی هەرێمە.
