تەرمی ئەو هاووڵاتییە دۆزرایەوە کە دوێنێ لە کاتی دەستنوێژگرتندا کەوتبووە ناو ئاوی کونەماسی لە سنووری شارباژێڕ.
نیوەڕۆی ئەمڕۆ، تەرمی عەزیز بناویلەیی تەمەن 70 ساڵ دۆزرایەوە کە دوێنێ کەوتە نێو ئاوی سەیرانگەی کونەماسی لە شارباژێڕ.
کەسوکارەکەی دەڵێن ویستوویەتی دەستنوێژ بگرێت، بەڵام کەوتووەتە ناو ئاوەکەوە و پاش نزیکەی 20 کاتژمێر تەرمەکەی دۆزرایەوە.
دواتریش تەرمەکە بەمەبەستی توێکاری پزیشکی ڕەوانە پزیشکی دادی سلێمانی کرا.
