پەرلەمانی عێراق لە دانیشتنی ئەمڕۆیدا بە دەنگی پەرلەمانتاران بڕیاریدا بڕگەیەکی نوێ بۆ دانیشتنەکە زیاد بکات.
غەریب ئەحمەد، پەرلەمانتاری عێراق بە (خەڵک)ی ڕاگەیاند،لە كۆبونەوەی ئێستای پەڕلەمان بەكۆی دەنگی ئەندامانی پەڕلەمان بڕیاردرا بڕگەیەك زیاد بكرێت بۆ كارنامەی دانیشتنەكانی ئەمڕۆی پەڕلەمان ئەم بڕگەیەش تایبەتە بە هەڵبژاردنی سەرۆكی نوێی پەڕلەمان.
شایەنی باسە لە تشرینی دووه‌م 14, 2023 دادگای باڵا بە بڕیارێک ئەندامێتی محەمەد حەلبوسی سەرۆکی پارتی تەقەدوم و سەرۆکی ئەوکاتەی پەرلەمانی هەڵوەشاندەوە، لەو کاتەوە تا ئەمڕۆ وادەی هەڵبژاردنی سەرۆکی نوێی پەرلەمان دیارینەکراوە، ئەمەش بەهۆی ئەو ناکۆکییانەی لەسەر دانانی سەرۆکی نوێی پەرلەمان لەنیوان لایەنەکاندا هەیە.
