قائیمقامی چەمچەماڵ ڕەمەک ڕەمەزان ڕایگەیاند، لە هێرشەکەی سەر کێڵگەی کۆرمۆر دوو کەس گیانیان لەدەستدا و چوار کەسی تریش برینداربوون.
ئاماژەی بەوەشدا، هێشتا بە تەواوەتی زیانە مادییەکان نازانین بەڵام ئەوەی هەیە تا ئەم ساتە زیانییە گیانییەکان زانراون، و لە ئێستادا لێکۆڵینەوە لە ڕووداوەکە بەردەوامە،
ڕەمەک ڕەمەزان ئاماژەی بەوەشکرد، دیاریکردنی شوێنی هێرشەکە لە توانای ئێمە نییە و دەبێت لایەنە ئەمنییەکان شوێنی هێرشەکە بدۆزنەوە، بەڵام ئەوەی هەیە لێکۆڵینەوە بەردەوامە و ناوچەکە پارێزراوە.
ئێوارەی ئەمڕۆ لەڕێگەی درۆنەوە هێرشکرایەسەر کێڵگەی غازی کۆرمۆر و لە ئاکامدا 6 کەس بوونە قوربانی، ئەمە جگە لەزیانی ماددی کە بەر کێڵگەکە کەوتووە، هاوکات هەر بەهۆی هێرشەکەوە کارەبای نیشتیمانی کەمدەبێتەوە، چونکە دابینکردنی سووتەمەنی لەو کیڵگەیەوە بۆ وێستگەکانی بەرهەمهێنانی کارەبا دەچێت.
