شارەوانی سلێمانی بەمەبەستی تەواوکردنی شەقامی سۆران هەندێک شەقام بەربەست دەکات و داوا لە شۆفێران دەکات ئاگادار بن.
لە بڵاوکراوەیەکدا شارەوانی سلێمانی سەرجەم هاووڵاتیان و شۆفێران ئاگادار دەکاتەوە، ڕۆژی ١شەممە ڕێکەوتی ( ٢٠٢٤/٤/٢٨) بەهۆی جێبەجێکردنی پڕۆژەی تەواوکردنی شەقامی سۆران کە دەکەوێتە گەرەکی ئاشتی بەرەو شەقامی کارێزەوشک، ئەو بەشەی کە دیاریکراوە بەربەست دەکرێت.
شارەوانی داوا لە شۆفێران دەکات تا تەواوبوونی پرۆژەکە ڕێگا جێگرەوەکان بەکار بهێنن کە دیاریکراوە.
