.وەزارەتی پەروەردە داوا لە مامۆستایان و فەرمانبەران دەکات ناوی خۆیان لە هەژماری من تۆمار بکەن بەمەبەستی راکێشانی پارەی نەختینە بۆ مووچە
لە نووسراوەکەدا، کە ئاڕاستەی بەڕێوەبەرایەتی پەروەردەکان کراوە و ئیمزای ئالان حەمە سەعید، وەزیری پەروەردەی لەسەرە ئاماژە بەوەکراوە، بە مەبەستی جێبەجێکردنی پڕۆژەی “هەژماری من” بۆئەوەی خزمەتگوزاری ڕاکێشانی پارەی نەختینە بۆ مووچەخۆران دەستەبەر بکرێت، لەپێناو بەردەوامیدان بە هەنگاوەکان و خێراکردنی پڕۆسەکە پێویستە هەماهەنگی و کارئاسانی بۆ تیمی تایبەت بە پڕۆژەی “هەژماری من” بکەن.
لە نووسراوەکەدا وەزارەتەکە داوا لە پەروەردەکان دەکات، گشت فەرمانبەران ڕێنوێنی بکرێن و پابەندبکرێن بە کردنەوەی هەژماری بانکی لە ڕێگەی پڕۆژەی “هەژماری من”.
