نرخی کیلۆیەک مریشک بەراورد بە كاتی جەژنی ڕەمەزان و دوو هەفتەی رابردوو نرخەکەی دابەزینی زۆری بەخۆیەوە بینیوە و زیاتر لە هەزار دینار هەرزان بووە.
ئەمڕۆ چوار شەممە، نرخی یەک کیلۆ مریشک بۆ ۲ هەزار و 500 دینار دابەزی، ئەم نرخە لە کاتێکدایە، لە ماوەی ڕابردوو نرخ یەک کیلۆ مریشک چووە نزیكەی ٤ هەزار دینار.
محەمەدی مریشك فرۆش لە سلێمانی بۆ (خەڵك) ڕایگەیاند، ماوەی چەند ڕۆژێكە نرخی مریشك ڕووی لە دابەزین كردووە و ئەمڕۆش زیاتر دابەزی و نرخی یەك كیلۆ مریشكی زیندوو بە 2 هەزار و 500 دینارە.
ڕاشیگەیاند، هۆكاری دابەزینی نرخی مریشك دەگەڕێتەوە بۆ زۆربوونی بەرهەمی كێڵگە پەلەوەرییەكان و خستنەبازاڕی مریشك هاووڵاتیان خواستیان زۆر لەسەر كڕینی نییە.
