سهرۆكی دهستهی گهشتوگوزاری ههرێمی كوردستان ڕایدهگهیهنێت، له ماوهی پشووی جهژنی ڕهمهزاندا زیاتر له 200 ههزار گهشتیار ڕوویان له ناوچه گهشتیارییهكانی هەرێم كردووه و له چوار مانگی ئهمساڵیشدا ملیۆنێك و 700 ههزار گهشتیار هاتوونەتە کوردستان.
ئەمەل جەلال، سەرۆکی دەستەی گەشتوگوزار بە ماڵپهڕی فەرمانگەی میدیا و زانیاری حكومهتی ههرێمی ڕاگهیاندووە، بەپێی نەخشەڕێگەی پەرەپێدانی کەرتی گەشتوگوزار و هەموو ڕەگەزەکان و شێوازەکانی گەشتیاری، چالاکییە گەشتیارییەکان ڕۆژبەڕۆژ زیاتر دەبن و ئێستا ئاستی گەشتیاری به بەراورد بە ساڵانی پێشوو هەنگاوی زۆر باشی ناوە و داهاتمان زۆر زیادی کردووە.
ڕاشیگەیاندووە، کوردستان خۆی ناوچەیەکی ناوازە و سرووشتێکی سەرنجڕاکێش و نایابی هەیە، هەر گەشتیارێکی بیانی کە دێت، بە جوانی و میواندۆستیی خەڵکی کوردستان و ئەو خزمەتانەی لەلایەن چالاکییە گەشتیارییەکانەوە پێشکەشیان دەکرێت، سەرسام دەبێت.
گەشتیارێکی خەڵکی بەسرە لە هەرێمی كوردستان به ماڵپهڕەكەی وتووە، “شوێنە گەشتیارییەکانی کوردستان زۆر دڵگیر و خۆشن؛ زۆر دڵخۆشم کە سەردانی ئێرە دەکەین و پێشوازییەکی جوان و ڕێکوپێکمان لێ دەکرێت”.
گەشتیارێکی تر لەم بارەیەوە وتوویەتی، “بەردەوام سەردانی هەولێر دەکەین. کاتی خۆش لە شوێنە گەشتیارییەکانی وەک بێخاڵ و کۆڕەک، چێشتخانە و شوێنە دێرینەکان بەسەر دەبەین؛ پیاوانی ئاسایش زۆر هاوکارمانن، زۆربەی پشووەکان دێینە ئێرە”.
