![](https://xelk.org/wp-content/uploads/2024/03/awincity2.png)
پیلێ ئەفسانەی بەرازیلی، لەڕێی نامەیەكی دەنگی لە نەخۆشخانەی ئەلبرت ئەنشتاین لە شاری ساوپاوڵۆی بەرازیلی كە نزیكەی دوو مانگە تێیدا لە ململانێدایە لەگەڵ نەخۆشی شێرپەنجە، ماڵئاوایی لە خێزانەكەی و دۆستانی دەكات.
فرانك خالید، بازرگانی بەریتانی و خاوەنی ئاژانسی ئیدارەی وەرزشی، لەڕێی تویتەرەوە بڵاویكردەوە:”پیلێ لە نەخۆشخانەوە بە خێزان و هاوڕێیانی دەڵێت ماڵئاوا. پیلێ ئەفسانەی تۆپی پێ بە خاوی شەڕەكەی لەدژی شێرپەنجە دەدۆڕێنێت و خێزانەكەشی دەڵێت، باری تەندروستی تادێت خراپتر دەبێت”.
كچەكەی پیلی وێنەیەكی باوكی لە نەخۆشخانەی ساوپاوڵۆوە بڵاوكردەوە كە باوەشیان بەیەكدا كردووە و نوسیویەتی”شەوێكی تر بەیەكەوە”.
كیلی كریستینا ناسیمنتۆ لە وێنەكەدا دەردەكەوێت كە باوەشی بە پیلێی تەمەن 82 ساڵدا كردووە و لە وێنەكەدا تەنیا یەك لای ڕوخساری باوكی دەركەوتووە.
یانەی سانتۆسی بەرازیلی لەئێستاوە خۆی بۆ مەراسیمی بەخاكسپاردنی پیلێ ئامادەكردووە، لەڕێی ئامادەكردنی تابوتی تایبەت، ئەمەش ئاماژەیە بۆ زیاتر خراپبوونی باری تەندروستی پیلێ.