سەرۆکی دادگای فیدڕاڵی هەڵوێستی لەسەر مووچە بلاوکردەوە و جەختی لەسەر تەوتین کردنی مووچەی سەرجەم مووچەخۆرانی حێراق کردەوە.
ئەمڕۆ پێنجشەممە، جاسم محەمەد سەرۆکی دادگای باڵای فیدڕاڵی لە میانی پێشوازیکردنی لە باڵیۆزی هەنگاریا لە عێراق ، گفتوگۆیان لەبارەی چەند پرسێکەوە کرد لەنێویشیاندا بڕیارەکانی دادگای فیدڕاڵی سەبارەت بە مووچەی مووچەخۆرانی هەرێـم.
سەبارەت بە مووچەی فەرمانبەرانی هەرێم بە خانەنیشنان و سەرجەم فەرمانبەرانی هەرێمەوە سەرۆکی دادگای فیدڕاڵی باسی لەوە کردووە، بەپێی دەستووری عێراقی ٢٠٠٥ بڕیاردرا مووچەی مووچەخۆران بە نیشتیمانی بكرێت.
جاسم محەمەد وتیشی، “سیستمی دیموكراسی عێراق پێویستی بە دامەزراوەی دەستووری و سیستمی هەڵبژاردنی راست هەیە لەگەڵ هەڵبژاردنی دادپەروەرانە لە ژێر سەرپەرشتی كۆمیسیۆنێكی هەڵبژاردنی سەربەخۆدا”.
بالیۆزی هەنگاریا جەختی لەوە کردەوە، بەردەوام دەبن لە پتەوکردنی پەیوەندییە هاوبەشەکانیان لەگەڵ عێراق لە بوارە جیاوازەکاندا و رۆڵی دادگای باڵای فیدڕاڵی لە چەسپاندنی بنەما دەستووری و دیموکراسییەکان بۆ بنیادنانی سیستەمێکی پەرلەمان لەسەر بنەمای سەروەری یاسا بەرز نرخاند.
