گەدە لە كۆنەوە بە “ماڵی نەخۆشی” وەسف كراوە، چونكە بەرپرسە لە زۆرێك لە تێكچوونی تەندروستی كە كاریگەرییان لەسەر جەستەی مرۆڤ هەیە.
گەدە پێویستی بە ڕەچاوكردنی كۆمەڵێك ئامۆژگاری پزیشكی هەیە بۆ ئەوەی كۆئەندامی هەرس لە دۆخێكی تەندروستدا بمێنێتەوە.
كۆئەندامی هەرسی مرۆڤ بە ترلیۆن مایكرۆ ئۆرگانیزمی تێدایە، كە پەیوەندییەكی نزیكیان بە بەرگری و ئەركەكانی مرۆڤەوە هەیە.
پزیشكێك لە زانكۆی میزۆری باس لەوە دەكات، ژمارەیەك هەنگاو هەیە كە دەبێت بگیرێتەبەر بۆ پاراستنی كۆئەندامی هەرس، تەنانەت ئەگەر كەسەكە تووشی نەخۆشییەكیش نەبێت.
جوڵە: چونكە ئەنجامدانی چالاكیی جەستەیی بە شێوەیەكی ڕێكوپێك وا دەكات كۆئەندامی هەرس كاری خۆی باش ئەنجام بدات، وەك دووربوون لە قەبزی و دڵەكزێ و ئاوسانی سك.
سوودەكانی وەرزش تەنها لە ڕێگریكردن لە تێكچوونی كۆئەندامی هەرس نەوەستاوە، بەڵكو ڕێگری لە زیادبوونی كێشیش دەكات كە بەرپرسە لە ژمارەیەكی زۆر نەخۆشی.
خواردنەوەی ئاو: زۆر پێویستە چونكە یارمەتیدەرە بۆ ئەنجامدانی ئەركە گرنگەكان لە جەستەی مرۆڤدا، وەك هەڵمژینی ماددە خۆراكیەكان و نەهێشتنی پاشماوە.
بەپێی خەمڵاندنەكانی ئەكادیمیای خۆراك و خۆراك، ژنان پێویستیان بە 11.5 كوپ ئاو هەیە لە ڕۆژێكدا، لەكاتێكدا پیاوان پێویستیان بە 15.5 كوپ ئاو هەیە.
شارەزایان هۆشداری دەدەن لەوەی پێویستە خواردنەوەی ئاو لەماوەی ڕۆژدا بە ماوەیەكی جیاواز ئەنجام بدرێت، چونكە خواردنەوەی بڕێكی زۆر بە یەكجار دەبێتە هۆی هەڵئاوسانی ئاو.
خۆراكی ئامادەكراو: باشترە تا دەكرێت لە ژەمە پێشوەختە ئامادەكراوەكان و بەستووەكان دوور بكەونەوە، وەك پیتزا، چونكە بەزۆری ڕێژەیەكی بەرزی شەكری پاڵاوتەیان تێدایە.
ئەم ڕێژەیە بەرزەی شەكری پاڵاوتە دەبێتە هۆی هەوكردن لە كۆئەندامی هەرس لە مرۆڤدا، هاوكات پسپۆڕان ئامۆژگاری خواردنی خۆراكی تازە دەكەن وەك سەوزە و میوە، بەهۆی ئەو دژە ئۆكسێنەرانەی كە تێیدایە، و یارمەتی كەمكردنەوەی هەوكردن دەدەن.
گرنگیدان بە ڕیشاڵ: لە خۆراكەكانی وەك میوە و دانەوێڵەی تەواودا هەیە، چونكە دەوڵەمەندن بە ماددە خۆراكیەكان كە جۆرە بەكتریا سودبەخشەكان لە كۆئەندامی هەرسدا بەرەوپێش دەبەن.
شارەزایان ئامۆژگاری بڕی ڕیشاڵەكان دەكەن كە لە نێوان ٢٥ بۆ ٣٨ گرام ڕیشاڵدا بێت لە ڕۆژێكدا، چونكە یارمەتیدەرە بۆ دەردانی پاشماوەی جەستە بە ئاسانی و بە شێوەیەكی نەرم و نیان.
خەوتنی پێویست: زۆر پێویستە، چونكە ئەم پشووە دڵنیای دەدات لەوەی هاوسەنگی لە بەكتریاكانی كۆئەندامی هەرسدا ناهاوسەنگ نەبێت.
