بەبۆنەی سەری ساڵی نوێی ئێزدییەكانەوە، ڕۆژی چوار شەممەی ئەم هەفتەیە دەبێتە پشووی فەرمی.
سعود مستو، به‌ڕێوه‌به‌ری گشتی كاروباری ئێزدییان له وه‌زاره‌تی ئه‌وقافی هەرێم بۆ (خەڵك) ڕایگەیاند، بەپێی بڕیاری پەرلەمانی كوردستان، ڕۆژی سەری ساڵی ئێزدییان پشووی فەرمییە لە تەواوی دامەزراوە فەرمییەكانی هەرێم.
ڕاشیگەیاند، لەمساڵدا ڕۆژی سەری ساڵی ئێزدییان دەكەوێتە ڕۆژی چوار شەممە 17ی نیسانی 2024ەوە.
لای خۆشیەوە، حكومەتی عێراق بڕیاریدا، سبەینێ بەبۆنەی سەری ساڵی ئێزدییەكانەوە بۆ فەرمانبەرانی ئێزدی لە سەرجەم دامودەزگاكان بكرێتە پشوو.
