شەپۆلێکی چڕی خۆڵبارین پارێزگای نەینەوای گرتەوە و هاتووچۆی پارێزگاکەش هۆشداری توند دەدات.
پاش نیوەڕۆی ئەمڕۆ شەپۆلێکی چڕی خۆڵبارین کە بە ( گەردەلوولی خۆڵ ) ناو دەبرێت، پارێزگای نەینەوای گرتەوە و مەودای بینینی بۆ ئاستێکی زۆر کەم کورتکردۆتەوە، هاوکات هاتووچۆش ڕێنمایی بە شۆفێران دەدات و داوا دەکات هاووڵاتیان لە ماڵەکانیان نەیەنە دەرەوە.
لە ڕێنماییەکانی هاتووچۆدا هاتووە:
🔹دڵنیابە لە داخستنی پەنجەرەکان و ئۆتۆمبێلەکەت لە سەر شەقامەکان بە کوژاوەیی بەجێ مەهێڵە.
🔹دڵنیابە لەوەی کە گڵۆپی پێشەوەی ئۆتۆمبێلەکە بەباشی کاردەکات بۆ زیادکردنی بینین.
🔹پێویستە خێرایی کەم بکەیتەوە و بە ئارامی لە نێوان شەقامەکان لێبخوڕیت.
🔹پێویستە لە کاتی شۆفێریدا سەرنجی تەواوت لەسەر ڕێگا بێت.
🔹پابەندبوون بە خێراییە دانراوەکان لەم جۆرە بارودۆخانەدا.
🔹مەودای سەلامەت ڕابگرە بۆ ئەوەی بتوانیت لە هەر ئەگەرێکی پێکدادان دوور بکەویتەوە.
🔹دوورکەوتنەوە لە هەموو سەرپێچییەکی هاتووچۆ کە بە ئاراستەی پێچەوانەوە لێبخوڕدرێت، لەم بارودۆخانەدا ئەم هەڵانە کارەساتی گەورە دروست دەکات.
