بەپێی ئەوەی ڕۆیتەرز بڵاویکردووەتەوە، بەڕێوەبەری نووسینگەی هەواڵگریی نیشتمانیی ئەمریکا ڕایگەیاندووە کە ئێران بە زۆرترین مووشەکی بالیستیک لە ناوچەکەدا چەکدارە.
ئەو مووشەکانە بەشێکی گرنگی جبەخانەی بەردەستی تاران پێکدەهێنن، کە هەڕەشەی تۆڵەسەندنەوە لە ئیسرائیل دەکات بەهۆی هێرشکردنە سەر باڵیۆزخانەی وڵاتەکەی لە سوریا.
لە نێو ئەو مووشەکانەدا مووشەکی “سجیل” هەیە کە دەتوانێت زیاتر لە 17 هەزار کیلۆمەتر لە کاتژمێرێکدا بڕوات و مەودای تا دوو هەزار و 500 کیلۆمەتری هەیە، “خەیبەر” مەودای تا دوو هەزار کیلۆمەتری هەیە، جگە لە “حاج قاسم” کە مەودای ١٤٠٠ کیلۆمەتری هەیە و ناوی فەرماندەی سوپای قودس قاسم سولەیمانی هەڵگرتووە کە لە ڕێگەی فڕۆکەیەکی بێفڕۆکەوانی ئەمریکیدا لە بەغدا کوژرا.
ئێران کە یەکێکە لە بەرهەمهێنەرە سەرەکییەکانی فڕۆکەی بێفڕۆکەوان لە مانگی ئابی ساڵی ڕابردوودا ڕایگەیاندبوو کە فڕۆکەیەکی بێفڕۆکەوانی پێشکەوتووی بە ناوی “مهاجەر-١٠” دروستکردووە کە مەودای تا ٢٠٠٠ کیلۆمەتر دەبڕێت و توانای فڕینی هەیە بۆ ماوەی ٢٤ کاتژمێر و هەڵگرتنی تا 300 کیلۆگرام .
تاران دووپاتی کردەوە کە مووشەکەکانی بالیستیک دەگاتە مەودای دوو هەزار کیلۆمەتر، هێزێکی گرنگن بۆ خۆپاراستن و تۆڵەسەندنەوە لە دژی ئەمریکا، ئیسرائیل و ئامانجەکانی دیکەی ناوچەکە.
مانگی حوزەیرانی ساڵی ڕابردوو ئاژانسی هەواڵی کۆماری ئیسلامی (ئیرنا) بڵاویکردەوە، کە ئێران یەکەم مووشەکی بالیستیکی هایپەرسۆنیک-ی ڕاگەیاندووە، مووشەکە هایپەرسۆنیکەکان دەتوانن بە خێرایی لانیکەم پێنج هێندەی خێرایی دەنگ و لەسەر ڕێڕەوی ئاڵۆز بڕۆن، کە ئەمەش وا دەکات ڕێگریکردن لێیان قورس بێت.
ئەو کۆمەڵەیە پشتڕاستی دەکاتەوە کە مووشەکی بالیستیکی مەودای کورت و مامناوەندی ئێران بریتین لە “شەهاب-١” کە مەودای مەودای مەودای نزیکەی ٣٠٠ کیلۆمەتر و “زولفیقار” کە مەودای ٧٠٠ کیلۆمەتری هەیە.
هەروەها ئێران خاوەنی مووشەکی کروزی KH-55 کە لە ئاسمانەوە هەڵدەدرێت و توانای هەڵگرتنی کڵاوەی ئەتۆمی هەیە و مەودای 3000 کیلۆمەتری هەیە.
