میدیای تورکیا بڵاویکردەوە، بە هۆی ئەنجامە خراپەکانی هەڵبژاردنەکانی ئەمدواییەی شارەوانییەکان، ڕەجەب تەیب ئەردۆغان بە نیازە ژمارەیەک وەزیر و پەرلەمانتار دووربخاتەوە.
میدیای تورکیا بڵاویکردەوە، ڕەجەب تەیب ئەردۆغان، سەرۆک کۆماری تورکیا و سەرۆکی پارتی داد و گەشەپێدان بەنیازە دوای پشووی جەژن ژمارەیەک وەزیر و پەرلەمانتار بە هۆی خراپی ئەنجامی هەڵبژاردنەکانی ئەمدواییەی شارەوانییەکانەوە دووربخاتەوە.
ڕۆژنامەی حوڕییەتیش ئەوەی خستەڕوو کە پلانەکەی ئەردۆغان ژمارەیەک سەرکردەی حزبەکەشی دەگرێتەوە.
ئاماژەش دراوە بەوەی پێدەچێت 3-4 وەزیر لە سەر کار لاببرێن و ژماریەک پەرلەمانتاریش دووربخرێنەوە.
دوای ئەنجامە خراپەکانی هەڵبژاردنەکەی 31ی ئازاری ڕابردوو، ڕەجەب تەیب ئەردۆغان لەگەڵ سەرکردەکانی حزبەکەی کۆبووەوە و پێی ڕاگەیاندن کە بە هۆی کەمتەرخەمییەوە نەیانتوانیوە ئەنجامی باش بەدەست بهێنن.
