بە هۆی بەردەوامبوونی گرژییەکانی ڕۆژهەڵاتی ناوەڕاست، نرخی نەوت لە بازاڕەکانی جیهاندا ڕوو لە بەرزبوونەوە دەکات.
ئەمڕۆ سێشەممە، نرخی بەرمیلێک نەوتی خاوی برێنت بە 88 دۆلارەوە مامەڵەی پێوە دەکرێت، هاوکات نرخی بەرمیلێک نەوتی خاوی ئەمریکی بۆ 84 دۆلار و 28 سەنت بەرزبووەتەوە.
لە ماوەی پێنج مانگی ڕابردوودا ئەمە یەکەمجارە نرخی نەوت بەو شێویە بەرزبێتەوە، هۆکاری سەرەکی ئەو هەڵکشانەش بۆ مەترسی تەشەنەکردنی گرژییەکانی ڕۆژهەڵاتی ناوەڕاست و کەمبوونەوەی ئاستی هەناردەکردن لە مەکسیک دەگەڕێتەوە.
