ئاسایشی هەولێر دەڵێت، تۆمەتبارانی هەڵکوتانە سەر ماڵێک و سووتاندنی ئۆتۆمبێلێکیان دەستگیر کردووە.
بەڕێوەبەرایەتیی ئاسایشی هەولێر رایگەیاند:”دوای ئەنجامدانی بەدواداچون لەلایەن هێزەکانمان و بەفەرمانی دادوەری لێکۆڵینەوەی ئاسایشی هەولێر چوار تۆمەتبارمان دەستگیر کرد بەناوەکانی(ش ،م ،ی) و(ع ،س،م) و(ن ، أ ، پ) و(ل ، م ، ک) ، لە ناویاندا تۆمەتباری سەرەکی (ش ،م ،ی) لەسەر پارەو میرات بوەتە کێشەی کۆمەڵایەتی لەگەڵ ماڵی خاڵەکانی و بەو هۆیەوە سێ تۆمەتبارەکەی تری ،کەناویان لەسەرەوە هاتوە ، چەند جارێک هانداوە لەبەرامبەر بڕێک پارە تاکو هەڵبکوتنە سەر ماڵی ئەو خاڵانەیان و بەو نیازەش چەکی بێ مۆڵەتیان بەکار هێناوە و تەقەیان لەماڵیی خاڵەکانیان کردوە .
ئاسایشی هەولێر ئاماژەی بەوەشکردووە و دەڵێت:”دواینجاریش لەلایەن تۆمەتبار (ع ، س ، م) هەوڵی سوتاندنی ئۆتۆمبیلەکەی خاڵی دابوو لە گەڕەکی موفتی شاری هەولێر”.
