فاروق مەلا مستەفا، سەرۆکی ئەنجوومەنی بەڕێوەبردنی کۆمپانیای ئاسیاسێڵ بڕی 300 ملیۆن دینار بە زیانلێكەوتووانی لافاوەکەی دهۆك دەبەخشێت.
فاروق مەلا مستەفا، سەرمایەداری ناسراوی هەرێمی کوردستان و سەرۆکی ئەنجوومەنی بەڕێوەبردنی کۆمپانیای ئاسیاسێڵ، 300 ملیۆن دینار دەبەخشێتە زیانلێکەوتووانی لافاوەکەی شاری دهۆک.
رۆژی 19-03-2024، شەپۆلێکی بارانبارین سنووری پارێزگای دهۆک و ئیدارەی سەربەخۆی زاخۆی گرتەوە.
لەو شەپۆلە بارانەدا زیان بە نزیکەی 300 ماڵ و 50 ئۆتۆمبێل گەیشت؛ هەروەها سێ کەس گیانیان لەدەستدا.
ئەمە لەكاتێكدایە، كە بەرەبەیانی ئەمڕۆ دوو شەممە، ئاگر لە بازاڕی چەلێی دهۆک کەوتەوە و بەهۆیەوە سەرووی 150 دووکان و شوێن سووتان.
