کۆچی مێژوویی کورد بە “کۆڕه‌وه مه‌زنه‌که” ناونرا، پەیامی گەلی کوردی گەیاند بە جیهان، کە کوردەکان لە باشووری کوردستان دەسەڵاتی ڕژێمی بەعسی عێراق ڕەتدەکەنەوە و نایانەوێت چیتر بەو شێوەیە بژین.
ڕاپەڕینی بەهاری ساڵی ١٩٩١ کە لە پێنجی ئازار لە ڕانیەی دەروازەی ڕاپەڕینەوە دەستیپێکرد و لە ٢١ی ئازار لە کەرکووک کۆتایی هات، زۆربەی دامودەزگاکانی ڕژێمی بەعس لە باشووری کوردستان کرانە دەرەوە و سەرجەم ھێز و سەربازەکانی ڕژێم دەرکران.
چەند ڕۆژێک دوای ڕاپەڕین، وەک وەڵامێک ڕژێمی بەعسی عێراق بە سوپایەکی بێشومارەوە ھێرشیکردەوە سەر کوردستان و کۆڕەوی خەڵکی کوردستان دەستیپێکرد، زۆرینەی دانیشتوانی هەرێمی کوردستان ئاوارەی سەر سنوورەکانی هەرێمی کوردستان و وڵاتانی تورکیا و ئێران بوون.
کۆڕەوەکە لە کۆتایی مانگی ئازار و سەرەتای مانگی نیسان دەستپێکرد، بەڵام لە ڕۆژی چواری نیساندا بەشێوەیەکی بەرچاو زۆرینەی کوردەکان ماڵ و حاڵیان جێهیشت و بەرەو سنوورەکان بە ڕێکەوتن.
چەند وێنەیەک لەکاتی کۆڕەوی گەلی کورد لە ساڵی ١٩٩١:
