هاتووچۆی گەرمیان ڕایدەگەیەنێت، ئێوارەی ئەمڕۆ شەممە بەهۆی وەرگەڕانی تانكەرێكەوە شۆفێرەکەی گیانی لەدەستداوە.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، تانكەرێك بە ئاراستەی ناحیەی رزگاری بۆسەر رێگای سەرەکی هاتووە و لەنزیک گوندی کەواچەرموو کۆنتڕۆڵی لە دەستداوە و وەرگەڕاوە، بەهۆیەوە شۆفێرەکەی گیانی لە دەستداوە.
تانكەرەكە تایبەتە بە گواستنەوەی غازی LPG و هاتوچۆی گەرمیان دەڵێت: “شۆفێرەکە لەدایکبووی ساڵی 1967-ە، واتا تەمەنی 57 ساڵە، دانیشتووی قەزای کەلارە”.
ڕوونیشی كردۆتەوە، لەلایەن تیمی هاتووچۆوە لێکۆڵینەوە لەڕووداوەکە دەستیپێکردووە.
