ئەنجومەنی وەزیران بڕیاری دا دەست بە دابەشکردنی مووچەی مانگی شوبات بکرێت و دوای ئەویش مووچەی مانگی ئادار دەدرێت.
ئەمڕۆ چوارشەممە، ئەنجومەنی وەزیرانی هەرێمی کوردستان کۆبووەوە و گرنگترین تەوەریشی تاوتوێکردنی پرسی مووچەی فەرمانبەران بوو.
بە پێی ئەو زانیارییانەی کە لە میدیای پێکهێنەرەکانی حکومەت (پارتی، یەکێتی و گۆڕان) بڵاوکراونەتەوە، لە کۆبوونەوەکەدا بڕیار درا دەست بە دابەشکردنی مووچەی مانگی دوو بکرێت و لیستی مووچەی مانگی سێش بۆ بەغدا نێردراوە، هەرکاتێک گەیشت، دەست بە دابەشکردنی ئەویش بکرێت.
هەر لە کۆبوونەوەکەدا بڕیار درا بە پێی یاسا دەست بە دابەشکردنی زەوی بەسەر فەرمانبەراندا بکرێت.
