لە سەرەتای هەفتەوە نرخی دۆلار بەشێوەیەکی بەرچاو ڕووی لە دابەزین کردووە، بەڵام لە دوێنێوە جارێکی دیکە نرخەکەی بەرزبووەتەوە و ئەمڕۆ گەیشتە 147 هەزار و 900 دیناری عێراقی.
ئەمڕۆ چوارشەممە، نرخی 100 دۆلاری ئەمریکی بە 147 هەزار و 900 دیناری عێراقی لە بازاڕەکانی هەرێم مامەڵەی پێوەدەکرێت، بەراورد بە ڕۆژانی ڕابردوو نرخەکەی بەرزبووەتەوە، لەکاتێکدا لە چەند ڕۆژی ڕابردوودا تا 146 هەزار و 650 دینار بەهاکەی دابەزی.
هاوکات دوێنێ سێشەممە، بانکی ناوەندی عێراق 30 ملیۆن و 970 هەزار دۆلاری بە نەخت خستەبازاڕەوە، بەراورد بە ڕۆژی دووشەممە کە 13 ملیۆن و 330 هەزار بووە بڕەکەی دوو بەرامبەر زیاتر بوو.
لەکاتێکدا پێشتر مەزهەر محەمەد ساڵح، ڕاوێژکاری دارایی سەرۆک وەزیرانی عێراق ڕایگەیاندووە، بەهۆی دروستبوونی سەقامگیری ئابووری و سەرکەتوبوونی سیاسەتی دارایی عێراقەوە، بەهای دۆلار ڕوو لە دابەزین دەکات.
