بەهۆی خراپی رەوشی کەشوهەوا و بارانبارینەوە لە پارێزگاکانی بەسڕە و کەربەلا و بابل سبەینێ کرایە پشووی فەرمی و لە پارێزگای بەغداش لە سەرجەم پەروەردەکانی پارێزگاکە کرایە پشوو.
پارێزگای کەربەلا و بەسڕە و بابل رایانگەیاند، بەهۆی بارانبارینی بەخوڕ و ئەگەری دروستبوونی لافاو، سبەینێ دووشەممە لە سەرجەم ناوەندەکانی خوێندن و فەرمانگەکاندا پشووی فەرمییە و پشووەکەش هەموو ئەو ناوچانە دەگرێتەوە کە سەر بە پارێزگاکەیانە.
هەروەها پارێزگای بەغداش رایگەیاند، بەهۆی ناجێگری کەشوهەواوە سبەی لە سەرجەم پەروەردەکان پشووە.
پێشتریش کەشناسی عێراق رایگەیاند، سبەی دووشەممە بارانبارینی بەخوڕ سەرجەم ناوچە جیاوازەکانی عێراق دەگرێتەوە.
