ئەمڕۆ یەك شەممە، نرخی دۆلاری ئەمریکی بەرامبەر بە دیناری عێراقی بۆ نزمترین ئاست دابەزینی تۆماركرد، كە ئەمەش هاوكاتە لەگەڵ سەردانە چاوەڕوانكراوەكەی سەرۆك وەزیرانی عێراق بۆ واشنتۆن و ڕاگەیەنراوەكەی ئەمڕۆی بانكی ناوەندی.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ئێوارەی ئەمڕۆ لەكاتنی داخستنی بازاڕی دراوەكان بەهۆی دۆلار زیاتر دابەزیوە و 100 دۆلار بە 148 هەزار دینارە.
ڕاشیگەیاند، ماوەی دوو ڕۆژە نرخی دۆلار ڕووی لە دابەزین كردووە و دوێنێ بۆ خوار 149 هەزار دینار دابەزی بوو.
ئەمەش لە كاتێكدایە، ئەمڕۆ بانكی ناوەندی عێراق ڕایگەیاند، كە بڕێكی زۆر دۆلاریان لەبەردەستدایە و ڕێژەی خستنەڕووی زیاد دەكەن و بەتەواوی كۆنتڕۆڵی نرخی دۆلار دەكەن.
