ئەو خۆراکانەی دەوڵەمەندن بە ماددەی خۆراکی خەو وەک میلاتۆنین و مەگنیسیۆم دەتوانن یارمەتیدەر بن لە ڕێکخستنی کاتەکانی خەو و دواجار هاوکارت دەبێت لە پشوویەکی باشتر و چالاکی جەستەیی زیاتر دەبێت.
بەگوێرەی ڕۆژنامەی میرەر، پسپۆڕی خۆراک مات وێبستەر ٦ خۆراکی ئاشکرا کردووە کە یارمەتیت دەدەن لە خەوتن:
بادەم:
تەنها مشتێک بادەم، یان تەنانەت کەوچکێک کەرەی بادەم، لە ماوەیەکی کەمدا هاوکارت دەبێت بۆ ئەوەی بخەویت.
بادەم سەرچاوەیەکی گەورەی مەگنیسیۆم و میلاتۆنین، کە بە شێوەیەکی سروشتی کارکردنی ماسولکە و دەمارەکان کەمدەکاتەوە و هەروەها لێدانی دڵ جێگیر دەکات.
هەروەها مەگنیسیۆم ئاستی هۆرمۆنی کۆرتیزۆڵ کەمدەکاتەوە کە فشاری دەرونی تێکدەدات.
هێلکە:
چەندین بەهارات هەیە کە دەتوانێت یارمەتیت بدات لە خەوتن، هێلکەش یەکێکە لەوانە.
کاتێک هێلکە لەگەڵ شیر تێکەڵ دەکرێت، نەک تەنها یارمەتی کەمکردنەوەی فشار و دڵەڕاوکێ دەدات بەڵکو یارمەتیت دەدات لە خەوتن، هەروەها ڕێژەی گۆڕانکاری خۆراک لە کاتی خەوتندا باشتر دەکات.
ماسی:
ماسی چەور وەکو تونە و سەلەمون نەک تەنها بۆ تەندروستی گشتی باشن بەڵکو بۆ کوالێتی خەویش زۆر باشن.
ئەم خۆراکانە ڕێژەیەکی بەرزی ڤیتامین D و ترشی چەوری ئۆمیگا 3 لەخۆدەگرن، هەردووکیان بەرهەمهێنانی مادەی سیرۆتۆنین زیاد دەکەن، کە ماددەیەکی کیمیایی مێشکە و یارمەتی ڕێکخستنی سوڕی خەوتن دەدات.
گێلاس:
خواردنەوەی ئاوی گێلاس لە ئێواراندا دەبێتە هۆی بەرەوپێشبردنی خەوتن، بەو پێیەی سەرچاوەیەکی سروشتی میلاتۆنین.
